SANKARASRAMAM

SANKARASRAMAM

ആത്മോപദേശശതകം  എട്ടാം  ശ്ലോകം

ഒളിമുതലാം പഴമഞ്ചുമുണ്ടു നാറും
നളികയിലേറി നയേന മാറിയാടും
കിളികളെയഞ്ചുമരിഞ്ഞു കീഴ്‌മറിക്കും
വെളിവുരുവേന്തിയകം വിളങ്ങീടേണം.

 

പഞ്ചേന്ദ്രീയങ്ങളാൽ  നൽകുന്ന  വിഷയസുഖങ്ങൾ ക്കുപിന്നാലെ  അലയുകയാണു  മനുഷ്യൻ  സാധാരണ  ചെയ്യുക. സത്യത്തിൽ  നാം ആകർഷകങ്ങൾ  എന്നു തോന്നുന്ന  ഈ  ദൃശ്യരൂപങ്ങൾ  അനുഭവിച്ചു് നാറുന്നതും  പൊള്ളയുമായ  ഒരു ശരീരവും  ചുമന്നു് ജീവിക്കയാണു  ച്യ്യുന്നതു്.  ഈ വിഷയസുഖങ്ങളെ  ആസ്വദിച്ചുണ്ണുന്ന  പഞ്ചേന്ദ്രീയങ്ങളാകുന്ന കിളികളെ  വിഷയസുഖങ്ങളിൽ  നിന്നും  അകറ്റി  നശിപ്പിച്ചാലേ    നമ്മുടെ  ഉള്ളം  അധവാ  ആത്മാവ്  പ്രകാശപൂരിതമാകയുള്ളൂ.  ആയതിനാൽ  വിഷയരസാനുഭൂതിയിൽ  നിന്നും  ഉള്ളത്തെ  അകറ്റി  കാരണാത്മകമായ  ആത്മസ്വരൂപത്തിലേക്കു  നയിക്കണം.  അറിവാകുന്ന  ആദിമസത്തയെ  മനസ്സിലാക്കി  ആ  ഉള്ളം  പ്രകാശപൂരിതമാകണം. വികാരങ്ങളുടെ  അടിമത്ത്വത്തിൽ  നിന്നും  വിവേകസാമ്രാജ്യത്തിലേക്കു  മാറേണ്ടതു്  ഒരാവശ്യം  തന്നെയാണു്.  അതിനുതകുന്നതു  ചെയ്യുക.  അതാണു  വിവേകം, അതാണു  നമുക്കാഭികാമ്മ്യം.